Monday 27 August 2012

സമാന്തരയാനം/മുകുന്ത രാമറാവു


ഒരുമിച്ചൊരിടത്തേക്ക്
പോവാനിറങ്ങിയാല്‍,
രണ്ടേ രണ്ടടി
നടന്നു കഴിയുമ്പോഴേക്കും,
അയാള്‍ മുന്നിലും,
അവള്‍ പിന്നിലുമായിട്ടുണ്ടാവും….

പിന്നെ, കുറച്ചു ദൂരം
നടന്ന ശേഷം
അയാള്‍ തിരിഞ്ഞു നോക്കി,
ഒരു നെടുവീര്‍പ്പുമിട്ട്
അവളടുത്തെത്താന്‍ കാക്കും,
കിതച്ചുപെരുക്കി അവള്‍
അടുത്തെത്തേണ്ട താമസം
അയാള്‍ വീണ്ടും വെച്ചുപിടിക്കും..

അതങ്ങനെ
എത്തേണ്ടിടത്തെത്തും
വരെ തുടരും.

പോവുന്നതെത്ര ദൂരവുമാവട്ടെ,
അവരുടെ യാത്രകള്‍ എന്നും
ഇങ്ങനെ വിട്ടുവിട്ടാണ്..

ഇന്നോളം, സ്വപ്നങ്ങളോ
കണ്ണുനീരോ ഒന്നും
പങ്കുവെച്ചിട്ടില്ലാത്ത അവരിനി,
ഈയൊരു നടത്തം
പങ്കുവച്ചിട്ടിപ്പോ എന്തിനാ
അല്ലേ…?

No comments:

Post a Comment